الهندوانه وقية

 والـشـعر مـاهو بـكثر الـقول والـمهجل

والـهـندوانه وقـيـة والـحـديد ارطــال

..................

أبيات الشاعر عبده الجشوبي 

وجواب ابوراكان المصري 

البدع:-

قال الجشوبي بقرطاسي وبالبركَل

يدوّن ابيات ويرسلها على الجوّال

أقولها صِدق، تمهّل يا وليد،، اعقَل

والقافله،، ما تسير،،الّا مع،، الجمّال

بالاوّل افهَم عن الواقع وزيد اسئل

إبقى مع الحَق يالمصري ولا تختال

ما شي خليفه بقول الشعر  لا تزعَل

ولا،، تناقش،،،، بهذ الوضع يا رجّال

ما،، هي،، سياده،، تورثّها،، ولا نِقبَل

ولا وريثه،،، لإبن الأخت حق الخال

ما نا بشاعِر،، ولكن،، طبعي،،،اتدخَل

لكن في النقد شفني محترف خيّال

الجواب

الـشـعر عـنـد الـعرب بـالمستوى الأول

وأقــوال مـتـضمنه تـاريـخهم وافـعال

واحـنـا ورثـنـاه عـنـهم والـزمن سـجل

وكــل شـاعـر تـوضح صـفحته مـاقال

والـشـعر مـاهو بـكثر الـقول والـمهجل

والـهـندوانه وقـيـه والـحـديد ارطــال

والـخالدي نـجم في دنيا الادب يشعل

حـتـى وإن غــاب يـبقى نـادر الامـثال

ومـوقعه قـد يـصل له من هو الافضل

بـالعلم والـحلم والـحكمه وطول البال

والآدمــي مــن لـسـانه يـافـتى يـحـبل

ومــن يـكـيل الـغـلط لابــد مــا يـكتال

خـلافـة الـشـعر بـيـن الاجـمل الاجـمل

في مستوى ياجشوبي عال عال العال