كوابيس العدو
ياترجمـان القصيـده حـرك الهـاجـس=في راس اخو قيس واطلق موجه المحبوس
فتـره تجمـد وفتـره قـال انـا يائـس=لاداعي اليـوم يبقـى طابعـه مطمـوس
لابـد يضهـر وينسـج قـول متجانـس=على صوافح يصيـغ الواقـع الملمـوس
قد ربما امسـي انـا بالحـرف متوانـس=واحاول انسى همـوم الخاطـر الميئـوس
ياكـم جرايـم رأت عينـي وانـا جالـس=مكتـف اليـد كنـي بالثـرى مكـبـوس
اشاهد الجٌرم يصنـع فـي يـد الباخـس=وافارق النوم مـن قسـوة ميـة كابـوس
والعيـن تقلـس ودمعتـهـا بلاحـابـس=من مايسـوي امامـي عابـد الجامـوس
دنـس مدنـس وقلبـه بالوغـى ناجـس=اظهر تطاول على مـن صانـه القـدوس
شباط يمضي ومـن بعـده اتى مـارس=وجيش الاسلام منـذ الواقعـه مخـروس
هـذا مقاطـع وهـذا للصـور قـابـس=وذاك خايـن وهـذا بينـنـا مـدسـوس
مليـار مسلـم علمكـم دائمـا طـاحـس=وكـل دولـه تشاهـد جيشهـا منكـوس
نبـي الاسـلام لايـوجـد ولا فــارس=يذود عنـه ويحمـي نهجـه المـدروس
وكـل واحـد لثـوب المخزيـه لابــس=ثوب الاهانـه يضلـي بالجسـد ملبـوس
مافايـده مـن حياتـي دام انـا غاطـس=بين الاهانـات واصبـح منهـا مفلـوس
لاخظت غبـرا ولاشاركـت فـي داحـس=ولااعرف السيف حظي دائمـا منحـوس
شوقي على يـوم ياتـي للبشـر عابـس=يكن من الصعب حصر اجسادهم والـروس
ضاقت بي الارض صار الضيق بي حاسس=وضاق مني وهو في خاطـري مغـروس
خيلت بـارق علـى القرنيـن متلامـس=وحطـم الارض جلـس صمهـا تجلـوس
شديـد قسـوه جليـده للبشـر قــارس=قضى على االكل خـلا الراسيـه بتنـوس
والاف اصلي عدد مايدرس الـدارس=علـى محمـد حبيـب الخالـق القـدوس
ليست هناك تعليقات:
إرسال تعليق